بلاغ لكل الجهات المختصه والمعنيه.. كلاب الكورونا تهدد مصر

بلاغ لكل الجهات المختصه و المعنيه
إحنا مهددين بانتشار فيروس كرونا او اى وباء و مصدره هيكون الصينين اللى عايشين فى مصر لانهم بياكلوا الكلاب و القطط و انواع تانيه كتير من الحيوانات و الطيور المحرمه اكلها و الممنوعه صحيا حتى فى الدول الغير اسلاميه … انا بالصدفه بقلب فى البوستات لقيت البوست اللى فى الصور ده و افتكرت الصينين اللى شغالين فى المصنع اللى جمبى و مصنع تانى معانا فى نفس المنطقه الصناعيه فى كوم اوشيم فى الفيوم …. دى مصانع بتكون ادارتها لشركات صينيه بيكونوا مقيمين فى المصنع نفسه و عددهم بيكون كبير ٢٥ او ٣٠ فرد مابين محاسب و ادارين و رؤساء عمال يعنى مسيطرين ع المصنع و باقى العماله مصريه …. الصينين فى المصنع اللى بيعيشوا فيه بيربوا كلاب و بيعلفوها و يسمنوها و يدبحوها و ياكلوها و لما عرفت الموضوع ده روحت كلمتهم و حصل مشاكل كتير ما بينى و بينهم و مره بلغت الشرطه و الظابط المحترم اتريق عليا و قفشت معاه و طلبت منه يعمل ى المحضر اللى انا عايزه بالابلاغ عن آكلى المحرمات و التسبب فى انتشار الاوبئه بس طبعا عشان الصينين شركاء لرجل اعمال معروف و واصل … الكوسه إتطبخت و مات الكلام … فياريت منشورى ده يوصل لحد مهم خايف ع البلد فعلا و يتخذ إجراءاته فورا لان دى مش قضيه سرقه ولا فساد .. ده تهديد بكارثه لان اقسم بالله الصينين بياكلوا الكلاب و القطط و العرسه و الغربان و بيتفننوا فى صناعة فخوخ و مصايد للحيوانات دى و بيحطوا الفخ او المصيده فى اكوام الزباله و انا شوفت ده بعينى سنه كامله ……
انا لما شوفت البوست اللى فى الصور افتكرتهم و ربطت الاحداث ببعض مع انتشار فيروس كرونا فى الصين حسيت انهم خطر جدا اللى بيعملوه و مش بقول كده عشان يمشوا من البلد يعنى حاشى لله .. ربنا يرزق الجميع .. بس يعيشوا فى بلدنا ملتزمين بقوانينا حتى فى اكلهم و شربهم .. مافيش حاجه اسمها كل واحد حر فى اللى ياكله .. لان المحرمات عندنا ممنوعه شرعا و قانونا و ممكن بل اكيد الاوبئه اللى عماله تجيلهم دى زى سارس و كرونا و انواع تانيه بتجيلهم لان اكلهم للمحرمات اتسبب فى خلل و ضعف لجهازهم المناعى و ممكن جدا ان ميكروب عادى مالى الدنيا حوالينا يكون مابيأثرش فينا عشان جهاز المناعه عندنا بس يأثر فى جسم بياكل محرمات و مناعته ضعيفه و الميكروب يتطور فى الجسم المصاب و يخرج لنا فيروس يصيبنا بقى … الله اعلم كلامى ده صح ولا لا انا محاسب مش دكتور بس انا راجل خايف على صحة عيالى و عيالك و خايف علينا كلنا نروح فى وباء مالناش ذنب فيه كل ذنبنا ان احنا سايبين الصينين ياكلوا محرمات و هما عايشين وسطنا .. لو صينى جاله مرض هيعدى العمال المصريين زمايله و العمال هينقلوا العدوى لبيوتهم و هينتشر المرض فى البلد كلها
من فضلكم شير فى الجروبات الكبيره المهمه و تعليقات كتير عشان الموضوع يوصل و نلحق نعمل اللازم