انت كده سلمت الطلاب وأولياء أمورهم للمدرسين تسليم أهالي

يا وزير التربية والتعليم فكر كويس هو انت صعبان عليك تريح الناس الغلابة هو انت فكرت في القرار بتاعك ده بكل أبعاده أكيد لا…………………….. 1/فكرت في الناس الغلابة أولياء الأمور اللي بتشتغل باليومية هتصرف ازاي على عيالها……………………………………………………………………. 2/ فكرت انك بكده سلمت الطلاب وأولياء أمورهم للمدرسين تسليم أهالي…….. 3/ طب فكرت ازاي بعد ما المدارس اتقفلت وكمان السناتر طلاب الشهادات العامة دي هتعمل ايه وهتذاكر ازاي طبعا هتقولي بنك المعرفة أحب اقولك اننا عندنا طالب مصري مش ياباني وفيهم مبيعرفش يكتب اسمه اصلا………………………. 4/فكرت في شبكة النت هل هتستحمل……………………………………… 5/عايز اعرف يعني ايه الطالب يعمل بحث وعن ايه وازاي هل شرحت الكلام ده للناس وازاي هيتم تقدير بحثه……………………………………………… 6/هو انت عايش في كوكب ثاني مش في مصر انت متعرفش ان عندك أولياء أمور غلابة شغالين باليومية وعيشهم اتقطع وهو اصلا مش بيعرف يكتب اسمه وحالته يعلم بيها ربنا والحمد لله عندنا الطلاب موهبة هيعرفوا يدخلوا على بنك المعرفة ويعملوا بحث (انت عندك مدرسين متعرفش تدخل البنك بتاعك) طب بالنسبة لطلاب الصف الأول والثاني الثانوي (تجاري وصناعي وفندقي ) طب مفيش حد فيهم استلم الجهاز العبقري بتاعك التابلت تقدر تقولي يا عبقري موقف الطلاب دي ايه وكمان ناس كتير مش عندها نت اصلان أحب اقولك يا وزير التربية والتعليم ياللي المفروض انك بتفهم انك مش فاهم حاجة انت عايش في كوكب ثاني ومش حاسس بالناس خالص صعبان عليك تقول مفيش ترم ثاني لكن ازاي بقى ما هو انت لازم تنكد على الناس وتخليهم قاعدين يفكروا هيعملوا ايه أبحاث ايه اللي بدور عليها وعايز العيال يعملوها هم اصلا مبيعرفوش يكتبوا اسمهم

انت في مصر يا معالي الوزير ارحم الناس بقى وكفاية لحد كده يوم القيامة قرب اتقي الله في الناس راجع قراراتك يا معالي الوزير وارحم الناس وبلاش تكون ضد الناس والدولة كفاية اللي الناس شايفه كفاية ان فيه ناس مش لاقية تاكل وعيشها اتقطع بسبب الفيروس بلاش تسلم الطلاب وأولياء الأمور تسليم أهالي للمدرسين وجشعهم ارحموا من في الأرض يرحمكم من في السماء وأخيرا يارب تكون مستوعب كلامي وفاهمه

شيماء يوسف