اسئلة متداولة عن منحة العمالة الغير منتظمة والاجابة عليها

الكل بيسال عن منحه العماله الغير منتظمه والسؤال الاشهر دلوقتى

..ياسر الصدة


هل لسه التقديم متاح حتى الآن……
نعم… التقديم لسه متاح وتقدر تسجل من خلال اللينك دا
http://union.manpower.gov.eg/InFormalJob/Index
…طيب انا محتاج ايه علشان ااقدم…..
….مش محتاج اكتر من الرقم القومى الخاص بيك ورقم موبايلك علشان تسجل بيه
…طيب انا سجلت وعاوز اعرف هقبض ولا لا
…الامر بسيط هنا الامر منقسم الى حالات اول حاله مستحق وكدا هتقبض
…تانى حاجه غير مستحق وكدا مفيش فلوس بقا
…تالت حاجه وهو قيد المراجعه وفى الحاله دى انتظر بقا لحين مراجعه بياناتك
…طيب انا هعرف منين اتقبلت ولا لا

تقدر تدخل على الموقع دا وتدخل الرقم القومى بتاعك وهو هيقولك
http://empwork.manpower.gov.eg/SearchInFormalJob/Index
بس خلى بالك فى معظم الاحيان الموقع دا بيكون واقع
…طيب انا عاوز اعرف دلوقتى اعمل ايه….
تقدر تتصل على الرقم 142 وتسالهم
…طيب الرقم طلع مشغول اعمل ايه….
هتنتظر رساله على موبايلك تقولك انك اتقلبت وتوضح ليك المكان اللى هتقبض منه سواء مكتب بريد او بنك الائتمان الزراعى