رمضان كريم!كلمات الشاعر: إسماعيل شلبي


“””””””””””””” رمضان كريم “”””””””””””””
رمضان يا شهر الخير
و الرحمه مع الاحسان
لياليك فيها العبادة
ونهارك رضا و إيمان
والمعدة فيك مرتاحة
ومفيش وجع مصران
وفيك الناس بتبحث
وبسعادة عن الغلبان

واللى ف ايدة سبحة
بيسبح الواحد الديان
واللى فى ليله بيدعى
ياااااااارب انا تعبان
يااااارب بكرمك علينا
ما تخلنيش… غفلان
ومن رحماتك الكبرى
إرحم عبدك الغلبان
رمضان يا شهر كريم
وفيك الخير بزيادة
وعلى مائدة إفطارك
تتلم الأسرة كالعادة
وأطفال صغار ماشية
وهى ماسكة سجادة

رايحين يصلوا جماعة
العشا بعدها التراويح
والأب بيقول فى سره
اذكار مليانة بالتسابيح
وتشوف نور ف المساجد
على المآذن كلها تفاريح
ومسحراتى ماشى يغنى
وينادى وصوته مريح
يا نايم اصحى واتسحر
قبل الفجر و التواشيح
وتحس بفرحة سحورك
والبركة فيه بصحيح
زى ما قال محمد نبينا
حديث شريف وصريح
إن فى السحور بركة
قالها بالنص مش تلميح
“””””””””””””””” مع تحياتى “”””””””””””””””””
الشاعر / إسماعيل شلبى