السيد الإنسان المحترم _رئيس_الجمهوريه ومعالي الوزراء
تحيه طيبه وبعد
حضرتك انا ليا سؤال عند معاليك؟
حضرتك لما بدأنا الحظر إلتزمنا بيوتنا وسمعنا واحترمنا قرارات سيادتكم
بعدها حضرتك جددت الحظر مع مراعاة فتح المطاعم
تمام والحظر مستمر قولنا حاضر وصبرنا بالرغم ان بتوع المطاعم والالبان والسوبر ماركت والجزار والفاكهاني ومعظم الانشطه والتجاره اللي موجوده ف مصر بعيدا طبعا عن الوظائف الحكوميه
أصبحت كل ابواب الرزق مفتوحه (الرزق بتاع ربنا مش بتاع معاليك)
إلا الكافيهات والنوادي والقاعات مغلقه صبرنا وقولنا نستحمل ملناش نصيب نفتح الفترة دى
معاليك مديت مدة الحظر للساعه 8قولنا هانت كنا منتظرين حضرتك تتكلم عن الكافيهات والقهاوي والنوادي
والله دول ناس بردوا زيهم زي اى صاحب عمل ومهنتهم زي اى مهنه والكافيهات والقهاوي والنوادي علشان المنافسات الموجوده داخل النوادي في ناس ملهاش شغل غير شغل الكافتريات الموجوده داخل النوادي دول فتحين بيوت بردوا
لو فردنا ان كل كافيه فيه 4 وصاحب الكافيه اذا حضرتك قفلت بيوت خمس عائلات ولو فكروا يشوفوا شغل تاني بالله عليك هيشتغلوا ف ايه وكل صاحب عمل اكتفي بنفسه لانه بيقفل الساعه 5
حضرتك ليه مفكرتش ف الناس دي ولا الدوله مش معترفه بيهم ناس بقالها شهرين قاعده ليه حضرتك من اول الحظر مفكرتش انهم يكونوا زى المحلات يفتحوا الساعه 6صباحا( دا طبعا كان يبقي قبل رمضان) بشروط وقائية طبعاً والمخالف يستاهل اللى يحصله العقوبه مع الغرامه بالتالي حضرتك فتحت بيت الناس دي
الان من ياتي صاحب المكان المغلق بقوت يومه بعد قرار الحظر ودخول رمضان ؟
بالنهار الناس صياما وليلا الحظر والناس نياما!!
للاسف الناس دي بس اللى اطحنت ودفعت الثمن وحسوا ان الدوله مش بتفكر فيهم زيهم زي اي صاحب عمل
الناس دي حاسه انهم ف مكان وكل الدوله ف مكان تاني
معاليك مفكرتش الناس دي هتعيش منين؟
اكيد عندهم اولاد وبيوت لها طلبات؟
معاليك مفكرتش الناس دي هتدفع ايجار اماكنهم كام الف وهو مدخلش جنيه بيته؟
رب العزه سبحانه له 99صفه الا صفه واحده رفعها عن نفسه وعن عباده الا وهى #الظلم
القهوة اللي لو قاعد عليها ناس بيبقوا بينهم وبين بعض ترابيزه متر هيجيبوا كورونا لكن المولات والشوارع والقطر والمترو لا مفيش كورونا
والله كلنا ماشين بستر وحفظ ربنا
ولو كنتم ف بروچا مشيده
تعددت الاسباب والموت واحد بل الموت بيد الله افضل ملييييون مره من الموت معنويا ونفسيا وظلما
فائق احترامي وتقديري
من قلب الحدث
#احنا_دفعنا_الضريبه_لوحدنا✋
جريــــدة أحداث الساعة الشرق أوسطية ..جريدة ورقية الكترونية -ترتبط بالشبكة القومية للمعلومات من الشعب والى الشعب 